Blog

Roli dhe përgjegjësitë e kontraktorit. Përse është i domosdoshëm?

Roli i kontraktorit ëshë tepër vendimtar në realizimin e një projekti ndërtimi.

Por çfarë bëjnë ata saktësisht dhe pse janë kaq të domosdoshëm?

Një kontraktor i mirë merret shumë më tepër se sa thjesht ndërtimi i një  strukture. Ata janë njëkohësisht drejtues të projektit, duke siguruar që çdo aspekt i procesit të ndërtimit të realizohet në mënyrë të përsosur. Përgjegjësitë e tyre janë të mëdha dhe të shumëanshme, që nga planifikimi e tek përfundimi i ndërtimeve.

Kontraktori menaxhon dhe mbikqyr procesin e ndërtimit, duke koordinuar ekipet e ndryshme si arkitektë, inxhinierë dhe punëtorë në mënyrë që projekti të shkojë sipas planit.

Sigurojnë që merren të gjitha lejet e nevojshme, të ndiqen protokollet ligjore dhe të qëndrohet brenda buxhetit dhe kostot financiare të paracaktuara.

Kontrolli i cilësisë së materialeve dhe punimeve është thelbësor prandaj kontraktorët mbikëqyrin punën, duke kryer inspektime të rregullta për t’u siguruar që gjithçka të plotësojë kushtet ideale.

Kontraktorët zbatojnë protokollet e sigurisë për të mbrojtur punëtorët kundër rezigjeve në vendin e ndërtimit.

Disa situata janë të paparashikueshme dhe të pashmangshme dhe është detyra e kontraktorit të zgjidhë më shpejtë dhe në mënyrë efektive problemet, edhe nëse kërkohen ndryshime në projektim apo shtyrje e afateve.

Një ndërtim pa kontraktor është si një orkestër pa dirigjent. Kaosi në organizim do të çonte në gabime të pa riparueshme. Ata janë një nga shtyllat kryesore që përcaktojnë dhe suksesin e një projekti ndërtimi duke siguruar që çdo aspekt të jetë i mirë-organizuar.

Herën tjetër që do të vështroni lart drejt një ndërtese, mbani mend se pas saj qëndron një kontraktor i cili bëri të mundur gjithçka. 

Mega projektet the impakti i tyre. Rasti i AIR ALBANIA.

Air Albania është një nga ato ndërtesa që nuk mund të shpëtojë pa u vënë re kur je në Tiranë. 

 

Ajo që bije edhe më tepër në sy është kulla 112 metra e lartë (24 kate) në cep të strukturës së stadiumit, e cila sot është një nga kullat më të larta në Shqipëri. Kjo ndërtesë e këtyre përmasave, iu besua Ales Construction për ndërtimin e strukturës betonarme.

 

Rëndësia e mega projekteve shtrihet përtej pranisë fizike. Ato shërbejnë si katalizatorë për rritjen ekonomike të vendit, nxitjen e investimeve dhe krijimin e vendeve të punës. Në rastin e Tiranës, ndërtimi i një objekti kaq madhështor jo vetëm që ka përmirësuar infrastrukturën e qytetit, por ka forcuar edhe reputacionin e vendit në skenën ndërkombëtare.

 

Për më tepër, projekte të tilla kanë një ndikim të thellë në shoqëri duke ushqyer ndjenjën e kombësisë tek shqiptarët. Sot ky vend shërben si një pikë grumbullimi për entuziastët e sportit, ngjarje kulturore dhe koncerte, duke nxitur ndjenjën e komunitetit dhe përkatësisë.

 

Ndërtimi i projekteve të mëdha shpesh ka dhe sfida, veçanërisht kur bëhet fjalë për zbatimin e strukturave të betonit të armuar. Përveç forcës dhe qëndrueshmërisë aplikimi në projekte të një shkalle të tilllë kërkon planifikim të kujdesshëm, ekspertizë dhe respektim të standardeve të rrepta inxhinierike.

 

Në rastin e strukturave të larta si kulla e Stadiumit Air Albania, u implementuan kallepe të specializuara dhe sisteme pompimi për vendosjen efikase të betonit në lartësi të mëdha.  


Përtej sfidave, përfundimi me sukses i këtij projekti, tregoi edhe njëherë se si eksperienca e Ales Construction në industrinë e ndërtimit ndihmoi në plotësimin e horizontit të qytetit të Tiranës me një tjetër simbol identifikues.

Mite mbi industrinë e ndërtimit Si qëndron e vërteta?

Industria e ndërtimit është një nga shtyllat kryesore të zhvillimit të një vendi, e megjithatë, si në çdo fushë, ekzistojnë informacione të pavërteta dhe keqkuptime të krijuara gjatë viteve. 

 

Le të jetë ky artikull ‘vendi dhe momenti’ për të hedhur poshtë disa prej miteve më të dëgjuara në lidhje me këtë industri.

 

Ndërtimi është thjesht punë manuale. Ndërtimi është një kompleks aftësish të ndërthurura me njëra-tjetrën, ku secila prej tyre ka rëndësinë e vet dhe nuk mund të funksionojë veçmas. Është një nga ato industri ku saktësia dhe mjeshtëria janë thelbësore.

 

Është e lehtë të hapësh një kompani ndërtimi. Si çdo biznes, shumë kompani ndërtimi, nuk arrijnë të kenë jetëgjatësi në industri. Jo nga mungesa e eksperiencës por nga mungesa e të kuptuarit çfarë realisht kërkohet për të menaxhuar një kompani. Gjetja e projekteve të duhura, menaxhimi i njerëzve, i parave, burokracive etj. janë aspekte që përcaktojnë vijueshmërinë e suksesit të një kompanie.

 

Kompanitë e ndërtimit zgjedhin rrugën e shkurtër. Kur kemi të bëjmë me kompani të cilat e kanë tashmë një reputacion, gabimet kushtojnë shtrenjtë, prandaj nuk ka zgjidhje tjetër përveçse t’i japin përparësi cilësisë, sigurisë, materialeve të nivelit të lartë dhe punës së kualifikuar, në mënyrë që të ruajnë emrin dhe jetëgjatësinë e vetë kompanisë.

 

Nuk nevojitet kreativitet në ndërtim. Ndërtimi është një kombinim i ekspertizës teknike, vizionit artistik dhe aftësive për zgjidhjen e problemeve. Arkitektët, inxhinierët dhe ndërtuesit bashkëpunojnë për të sjellë në jetë dizajne kreative, duke i shndërruar në kryevepra arkitekturore. Është një industri dinamike dhe krijuese ku lulëzon inovacioni dhe çdo projekt është një mundësi për të krijuar diçka të veçantë.

 

Po ju i kishit dëgjuar më parë këto ‘fakte’ mbi industrinë e ndërtimit?

Hapat që ndiqen deri në realizimin e komplekseve të banimit.

 

Ndërtimi i një kompleksi banimi kërkon planifikim të përpiktë, koordinim mes ekspertëve të fushës, saktësi dhe profesionalizëm. 

 

Sigurisht faktorë si vendndodhja, dizajni dhe cilësia e ndërtimit janë po aq të rëndësishme sa krijimi i një hapësire që përcjell frymën e komunitetit dhe përmban të gjithë elementët e nevojshëm për të lehtësuar jetesën e banorëve.

 

Po në çfarë konsiston procesi i realizimit të këtyre komplekseve në realitet?

 

Faza Fillestare 

 

Hapi i parë është përzgjedhja e vendit ideal përmes analizës së vendndodhjes, aksesueshmërisë dhe kërkesave të tregut. Pasi të identifikohet vendi i përshtatshëm për ngritjen e strukturave të kompleksit, nisin negociatat për blerje.

 

Planifikimi 

 

Projektues, inxhinierë dhe arkitektë bashkëpunojnë ngushtë për të zhvilluar një plan gjithëpërfshirës për kompleksin rezidencial. Kjo përfshin konceptimin e strukturës, planifikimin e numrit të kateve, dizajnit të ndërtesës dhe komoditeteve që do të ofrojë për të përmirësuar cilësinë e përgjithshme të jetesës së banorëve.

 

Aspekti ligjor

Marrja e lejeve dhe miratimeve të nevojshme nga autoritetet vendore është një hap vendimtar në procesin e ndërtimit. Duke kontaktuar me entet rregullatore sigurohemi që të jemi në dakordësi me kodin e ndërtimit, rregulloren lokale, standardet mjedisore dhe ato të sigurisë.

 

Përgatitja e terrenit 

 

Pasi të sigurohen të gjitha lejet e nevojshme fillon përgatitja e kantierit. Kjo përfshin pastrimin e tokës, klasifikimin e terrenit dhe vendosjen e themeleve. Në këtë fazë ndërtohet dhe rrjeti i ujit, energjisë elektrike dhe kanalizimeve.

 

Fazat e ndërimit

Sigurisht procesi i ndërtimit është i ndarë në faza të veçanta.

 

  • Hidhet betoni për të siguruar një bazë të qëndrueshme,
  • Vendoset struktura kryesore: muret anësore dyshemetë dhe tavantet me materiale të cilësisë së lartë dhe punëtore të kualifikuar,
  • Instalimi i pajisjeve hidraulike, elektrike dhe instalime të tjera që sigurojnë funksionalitet dhe rehati,
  • Përfundimi i hapësirave të brendshme si shtrimi i dyshemesë, lyerja e mureve etj.,
  • Përfundimi i fasadës, materialit veshës, dritareve dhe dyerve duke siguruar funksionalitetin e kompleksit rezidencial.

 

Kontrolli i parametrave të cilësisë

 

Gjatë gjithë procesit të ndërtimit, zbatohen kontrolle rigoroze për të siguruar ruajtjen e cilësisë dhe standardeve të larta të ndërtimit. Inspektimet e rregullta kryhen nga ekipi ynë dhe inspektorët e palëve të treta, për të identifikuar dhe trajtuar menjëherë çdo problem.

 

Me përkushtim dhe ekspertizë të mirëfilltë, nga përzgjedhja fillestare e territorit e deri tek përfundimi i ndërtimit, çdo hap i procesit planifikohet më së miri në mënyrë që jo vetëm të përmbushim, por dhe të tejkalojmë pritshmëritë e klientëve tanë.
 

Kompleksi i banimit është tashmë gati për të mirëpritur banorët e rinj.

 

Çfarë mësuam përgjatë viteve si investitorë me përvojë në ndërtim.

Jemi krenarë të ndajmë me ju mësimet e nxjerra si investitorë me përvojë në industrinë e pafundme të ndërtimit. 

E nisim duke thënë që suksesi nuk matet vetëm me ‘llaç dhe tulla’’, por matet me eksperiencën e fituar përmes përvojës. 

Cilësia është e panegociueshme.

Cilësia është jetike, duke nisur nga materialet që përdorim deri tek mjeshtëria. Përsosmëria është e rrënjosur në çdo aspekt të punës sonë dhe angazhimi ynë ndaj cilësisë, siguron që strukturat t’i rezistojnë kohës.

Cilësi, korrektësi dhe shpejtësi

Duke nisur nga planifikimi e deri tek realizimi i një projekti, është e rëndësishme që të ekzistojë një angazhim konstant cilësie, korrektësie dhe shpejtësie. Teksa i përmbahemi afateve strikte kohore, sigurohemi që çdo detaj të ekzekutohet me përpikëri, duke tejkaluar dhe pritshmëritë.

Bashkëpunimi bën fuqinë 

Suksesi në ndërtim nuk arrihet vetëm. Arkitektë, inxhinierë, kontraktorë dhe klientë që punojnë së bashku drejt një qëllimi të përbashkët. Kjo ka rëndësi.
Përmes komunikimit dhe transparencës çdo projekt arrin të ekzekutohet pa asnjë problem nga fillimi në fund.

Përshtatshmëria
Peizazhi i ndërtimit ndryshon vazhdimisht duke krijuar sfida dhe mundësi të reja. Si investitorë me përvojë, ne kemi mësuar të përshtatemi me ndryshimin e kushteve të tregut, kërkesat dhe preferencat e klientëve. 

Integriteti është gjithçka

Me mirënjohje kemi fituar besimin e klientëve dhe partnerëve tanë duke vërtetuar me veprime, përkushtimin dhe profesionalizmin tonë të palëkundur.

Rruga është ende e gjatë.

Teksa vazhdojmë të rritemi dhe zhvillohemi vit pas viti, vizioni ynë është vetëm një: Të krijojmë një trashëgimi që i reziston kohës.

SIGURIA NË NDËRTIM. RËNDËSIA DHE MASAT E NEVOJSHME

Siguria në ndërtim është e panegociueshme. Le ta sjellim pak në qendër të vëmendjes dhe të thellojmë më tepër informacionin mbi masat paraprake që sigurojnë një mjedis pune të sigurt për punëtorët.


Jetët njerëzore

Mirëqenia e punëtorëve është gjithmonë shqetësimi parësor, duke pasur parasysh natyrën e rrezikshme të ndërtimit.

Ligji
Përtej etikës, respektimi i rregullores së sigurisë është një detyrim ligjor. Masat e rrepta të sigurisë jo vetëm që mbrojnë punëtorët, por gjithashtu mbron kompaninë nga pasojat ligjore dhe masat ndëshkuese në vlerë monetare.

Produktivitet dhe efikasitet

Një mjedis i sigurt pune, largon shpërqëndrimet, nxit fokusin dhe rrit përqendrimin, duke u përkthyer në produktivitet. Shmangia e rreziqeve dhe aksidenteve bën që projektet e ndërtimit të ekzekutohen në mënyrë sa më efikase.

Kursime në kosto 

Siguria është një investim që shpërblehet. Duke parandaluar aksidentet dhe lëndimet, një kompani ndërtimi kursen në shpenzimet mjekësore, kërkesat për kompensim dhe humbje të mëdha financiare si pasojë e ndëshkimeve ligjore. Mos të flasim pastaj për shtyrjen e projektit, që ndikon gjithashtu në kosto.

Reputacioni dhe morali 

Një kulturë pozitive sigurie jo vetëm që tërheq klientët, por gjithashtu tërheq punëtorë të kualifikuar që e vlerësojnë kompaninë për kushtet e mira që ofron në punë. Reputacioni është një fitim afatgjatë. Për sa i përket moralit, kur punëtorët ndihen të sigurt, kënaqësia e tyre për të shkuar në punë rritet duke evituar qarkullimim e punonjësve dhe duke krijuar një fuqi punëtore të motivuar.

Komuniteti

Projektet e ndërtimit shpesh ndikojnë në komunitetet lokale. Demonstrimi i një përkushtimi ndaj sigurisë nuk është vetëm një shqetësim i brendshëm, por edhe një mënyrë për të treguar përgjegjësi sociale dhe për të mbajtur marrëdhënie pozitive me komunitetin.


Hapat që ndjek Ales Construction në lidhje me sigurinë në ndërtim

  1. Kryejmë vlerësime të plota të rrezikut përpara fillimit të projektit për të identifikuar dhe zbutur rreziqet e mundshme.
  2. Të gjithë punëtorëve i nisim instruksione gjithëpërfshirëse mbi protokollet e sigurisë, përdorimin e pajisjeve dhe procedurat e emergjencës.
  3. Sigurojmë pajisjet mbrojtëse personale si helmetat, dorezat, syzet e sigurisë dhe uniformën e duhur, për të mbrojtur punëtorët nga rreziqet specifike.     
  4. Kontrollojmë aksesin në kantierin e ndërtimit për të parandaluar hyrjen e paautorizuar, duke garantuar sigurinë e punëtorëve dhe të publikut.
  5. Kryejmë inspektime rutinë të pajisjeve, makinerive dhe kantierit për të identifikuar dhe adresuar menjëherë shqetësimet e sigurisë.
  6. Përgatisim dhe komunikojmë planet e reagimit emergjent, procedurat e evakuimit dhe protokollet e ndihmës së parë.
  7. Zbatojmë masa të caktuara për të parandaluar rëniet nga lartësitë, të tilla si parmakët, rrjetat e sigurisë dhe sistemet e ndalimit të rënies.
  8. Zbatojmë protokolle strikte për funksionimin dhe mirëmbajtjen e makinerive, duke përfshirë kontrollet e rregullta të pajisjeve. 

     9. Rishikojmë dhe përditësojmë rregullisht protokollet e sigurisë bazuar në raportet e vazhdueshme për të përmirësuar masat e sigurisë.

Mjeshtëria e betonit të armuar. Ekspertiza e Ales Construction

Nëse rastësisht po lexoni këtë artikull apo keni klikuar mbi të pasi ju intereson të dini më shumë mbi fushën e ndërtimit, ju prezantojmë me një përshkrim të përgjithshëm mbi eksperiencën e Ales Construction në specialitetin e betonit të armuar.

Fillimisht le të shpjegojmë, me pak fjalë, çfarë është ky material ndërtimi dhe nga çfarë është i përbërë ai. 

Përkufizuar me termin betonarme, ky material kombinon forcën e betonit tradicional me forcën tërheqëse të shufrave të hekurit. Është një ndërthurje mes aftësisë së betonit për të përballuar forcat shtypëse dhe aftësisë së çelikut për t’i rezistuar stresit në tërheqje. Kështu materiali arrin të përballojë në mënyrë efektive një sërë kushtesh ngarkimi duke e bërë atë një material ndërtimi tepër të fortë.

Në çfarë konsiston roli i Ales Construction, si kontraktor kryesor i punimeve për strukturën betonarme, të disa prej ndërtesave më ikonike të kryeqytetit?

Me një portofol të gjerë projektesh, dëshmi e qëndrueshmërisë, inovacionit dhe mjeshtërisë ndërtimit. Me përkushtim ndaj themeleve arkitekturore kreative. Me një ekip inxhinierësh dhe teknikësh me përvojë, ekspertiza jonë kalon nëpër disa faza të ndryshme që nga projektimi e deri në përfundim të ndërtimeve.

Menaxhimi i përgjithshëm i projektit. Mbikëqyrja dhe menaxhimi nga A tek ZH i procesit të ndërtimit të strukturave betonarme.

Buxheti. Planifikimi, buxhetimi dhe shpërndarja e burimeve, për t’u siguruar që projekti të përfundojë në kohë dhe brenda buxhetit të përcaktuar.

Nënkontraktorët. Punësimi dhe menaxhimi i ekipeve të specializuara përfshirë furnizuesit e betonit, instaluesit e armaturës dhe ekipet e derdhjes së betonit.

 

       

Bashkëpunimi me arkitektë dhe inxhinierë. Koordinimi dhe rishikimi i planeve të ndërtimit dhe supervizimi i ekzekutimit në mënyrë korrekte të projektit.Respektimi i kodeve të ndërtimit. Mbikëqyrja e integritetit strukturor të betonit si standard i nevojshëm i cilësisë dhe sigurisë duke zbatuar praktikat mbrojtëse për punëtorët dhe publikun.

Logjistika. Menaxhimi i logjistikës së materialeve të betonit dhe armaturës, si dhe prokurimi i këtyre materialeve në kohë. Koordinimi i shpërndarjes së materialeve në kantierin e ndërtimit dhe sigurimin që ato plotësojnë specifikimet e projektit.

Kontrolli i buxhetit dhe kostos. Menaxhimi efektiv i kostove për të siguruar që projekti të qëndrojë brenda buxhetit të caktuar dhe për të shmangur tejkalimet nga klienti.

Raportimi i projektit. Përpilimi i raporteve progresive për klientin dhe palët e tjera të interesuara, duke i mbajtur ata të informuar mbi mbarëvajtjen e projektit. 

Adresimi i problemeve. Zgjidhja e problemeve apo sfidave të papritura që mund të kenë lindur gjatë rrugës. Raportohet nëse janë bërë modifikime të ndryshme të projektit, nëse ka mungesë materialesh apo mbi çështje të tjera të paparashikuara.

Klikoni këtu për të zbuluar më shumë mbi gamën e ndryshme të projekteve tona në rolin e kontraktorit të punimeve për strukturën betonarme.

 

5 pika të forta që e bëjnë një kompani ndërtimi më të mirën

Kompanitë e ndërtimit luajnë një rol kyç në ndërtimin e mjediseve të reja, infrastrukturës dhe mbi të gjitha në zhvillimin e shoqërisë sonë. Megjithatë jo të gjithë ja dalin të ofrojnë një shërbim cilësor dhe të lënë gjurmë me projektet e realizuara. E për të qenë të suksesshme, kompanitë duhet të demonstrojnë disa karakteristika thelbësore për të bërë diferencën në treg. 

Cilësia e projekteve

Cilësia e projekteve është një ndër elementët thelbësorë që bën diferencën mes kompanive të ndryshme të ndërtimit. Një projekt i spikatur, përfshin një sërë kriteresh si përdorimi i materialeve të cilësisë së lartë, zbatimi i teknikave të duhura të ndërtimit, inspektimi intensiv gjatë punimeve për të siguruar vijueshmërinë e projektit në përputhje me standardet e përcaktuara, etj.

Qëllimi i një projekti cilësor nuk është vetëm të ndërtohet si objekt, por të jetë vlerë e shtuar për qyetarët dhe qytetin. Cilësia e projekteve është një sfidë e vazhdueshme për kompanitë e ndërtimit, ndaj ajo kërkon përkushtim të plotë dhe aplikim të standardeve më të larta të ndërtimit.

Eksperienca

Po ashtu, një pikë tjetër themelore në një kompanie ndërtimi është eksperienca. Nëse kompania ka një përvojë të pasur në ndërtim, shoqëruar me një histori të suksesshme projektesh të ndryshme, krijon besim tek klientët dhe partnerët e saj. Një ekip pune i trajnuar dhe i kualifikuar, i njohur për njohuritë teknike dhe praktikat më të mira të ndërtimit, është një burim sigurie për cilësinë e punës.

Siguria dhe kujdesi

Kur kompania investon në sigurinë e punëtorëve dhe kujdesin për mjedisin, ajo është e vlerësuar në treg. Siguria në vendin e punës është e detyrueshme, ndaj një kompani që zbaton praktika të rregullta dhe garanton një mjedis të sigurt pune, ndikon pozitivisht në produktivitetin e punëtorëve.

Mirëmenaxhimi i Projekteve

Menaxhimi në mënyrën e duhur i projekteve është po ashtu një kriter thelbësor që një kompani ndërtimi duhet të ketë. Kompania duhet të sigurohet që projektet të realizohen brenda kohës dhe buxhetit të caktuar. Për të pasur një performancë të mirë në këtë drejtim, kompania e ndërtimit duhet të ketë në organikën e vet menaxherë të aftë që janë të përgatitur për të planifikuar, monitoruar, dhe koordinuar projektet me sukses. 

Reputacioni dhe Kujdesi ndaj Klientit

Një kompani ndërtimi krenohet me reputacionin e saj dhe një reputacion i mirë fitohet me kalimin e kohës. Cilësia e lartë e projekteve të realizuara dhe kujdesi ndaj klientit hedhin themelet e forta drejt një reputacioni të dëshiruar. Aftësitë komunikuese dhe suporti i dhënë ndaj klientit, bëjnë që ai të ndihet i sigurt dhe të fitojë besimin ndaj shoqërisë në fjalë, duke i hapur rrugën një vlerësimi pozitiv drejt saj. 

Nje imazh i mirë është një aset tejet i dobishëm për të qenë partner i preferuar për projekte madhore. E sa i përket këtyre të fundit, projektet e “Ales Construction” kanë lënë gjurmë dhe evidentohen lehtësisht në jetën e përditshme për cilësinë dhe estetikën që i karakterizon.

Nëse jeni në kërkim të një shoqërie ndërtimi për t’i dhënë jetë projekteve tuaja, është tepër e rëndësishme që ajo të sigurojë kriteret më sipër. “Ales Construction” insiston maksimalisht dhe punon çdo ditë për të ofruar shërbimet më cilësore, duke lënë gjurmë në treg.

“Qiellgërvishtëset” e Shqipërisë, nga Ales Construction!

Teksa ecni në rrugët e Tiranës, me siguri herë pas here, vështrimi ju ndalon në disa ndërtesa të bukura, “gjigande” që të rrëmbejnë shikim për disa minuta të mira. E pasi i shikoni, i komentoni, e i vlerësoni, a e keni pyetur ndonjëherë veten se si ka ardhur në jetë ajo që keni përpara jush? Pas disa prej projekteve më të bukura në vendin tonë, fshihet pikërisht emri i Ales Construction.

Aktiviteti ynë filloi në vitin 1999 si një kompani e vogël ndërtimi në tregun e sapokrijuar në Shqipëri. Sfidat që na dilnin përballë, na bënë që ta donim akoma më shumë atë çfarë po krijonim. Falë pasionit për të bukurën dhe dashurisë për punën, ja dolëm që të sillnim në jetë dëshirat e gjithësecilit që na dhuronte besimin e tij. Stafi i kualifikuar dhe me përvojë, i përbërë nga arkitektë, inxhinierë ndërtimi, ekonomistë, teknikë, menaxherë marketingu dhe më shumë se 150 punëtorë dhe specialistë të aftë ndërtimi, kanë kthyer në realitet çdo projekt i cili dikur ishte vetëm një ide në mendjen e dikujt.  Le të shohim së bashku, një pjesë shumë të vogël, të qiellgërvishtësve tanë.

The Plaza

E kush nuk e njeh një prej hoteleve më prestigjoze të vendit tonë? “Tha Plazza” është cilësuar si kulla e parë më e lartë në Kryeqytet me 4 kate nëntokë dhe 24 kate të sipërme.  Me stilin dhe veçantinë e saj, kjo kullë shënoi një arritje jo vetëm për Shqipërinë por edhe më gjerë. Madhështia e saj qëndron edhe në pamjet panoramike që ofron. Secili vizitor ka mundësinë të shijojë një pamje të plotë të Tiranës.

4Ever Green Tower

E dini që Forever Green Tower është një ndër ndërtesat më të larta në Ballkan? Kjo kullë është 85 metra e gjatë dhe shërben si një ndërtesë multifunksionale. Ajo zë një sipërfaqe prej më shumë se 12,400 m² dhe ka plot 20 kate, në të cilat katër janë nëntokë.  Kulla ka gjithashtu hapësira tregtare, dyqane, 7 nivele zyrash, 8 nivele banimi dhe një hotel i cili të dhuron një peisazh panoramik të qytetit. Ndalur të dizajni, Forever Green Tower merr një hapësirë minimale publike në tokë, me një bazë të ngushtë dhe zgjerim të mëtejshëm kur rritet lartësia. Sa e veçantë, aq edhe e bukur!

Air Albania Tower

Besojmë se Air Albania Tower është një nga ato ndërtesa që nuk mund t’i shpëtojë syrit të askujt që viziton të paktën një herë Tiranën. Kulla është një element i fuqishëm identifikues i kompleksit, duke qenë pjesa më e dukshme e tij. Ngjyrat e përdorura do të ishin padyshim identifikueset e vendit tonë: e kuqja dhe e zeza, kombinim ky i cili e bën këtë kullë të duket akoma me dominante.

DownTown One Albania

Downtown One është kulla e parë në Shqipëri në llojin e saj! Bëhet fjalë për një ndërtim i cili përbëhet nga 40 kate mbi tokë dhe 5 kate parkimi nëntokë. Një ndërtesë multifunksionale e pozicionuar në zemër të Kryeqytetit. Ndërtesa ofron një kombinim ideal midis apartamenteve rezidenciale luksoze, zyrave bashkëkohore dhe ambienteve komerciale.

Ky projekti i cili do të sjellë risi në funksionalitet, arkitekturë, parametra ndërtimi dhe qasje ndaj mbrojtjes së mjedisit, do të jetë plotësisht funksional në vitin 2024.

Krahas gjithë fasiliteteve, rezidentët e kësaj ndërtese do të kenë fatin të shijojnë Tiranën në më të mirën e saj, me pamjen panoramike nga lartësia e apartamentit të tyre. Për “fanatikët” e gjelbërimit, do të kenë mundësinë të shijojnë panoramën me gjelbërimin dhe freskinë e Parkut të Liqenit. Ndërsa për ata të cilët duan pak më shumë “dinamikë” mund të shijojnë pamjen nga Sheshi Skënderbej.

Tirana International Hotel

Tirana International Hotel është kulla 33 katëshe e cila qëndron në zemër të Tiranës. Kjo kullë në fakt është një zgjatim i hotelit ekzistues “Tirana International”, por këtë herë erdhi si një hotel me pesë yje, i pasur me shërbime të ndryshme.

Ajo që tërheq vëmendjen që në sekondat e para janë format e thjeshta gjeometrike që janë përdorur, konkretisht dy kuboide të cilët ndryshojnë jo vetëm në material por edhe në ngjyrë. Një kontrast klasik si e arta me të zezën, duke dhuruar një pamje aq të bukur të kullës.

Nëse jeni kuriozë për pjesën e brendshme të hotelit, ju tregojmë se dhomat e gjumit janë të orientuara drejt sheshit, qendrës së Kryeqytetit, me pamje nga jugu dhe me diell gjatë gjithë vitit. Kjo mënyrë organizimi do t’u japë vizitorëve mundësinë të shijojnë jo vetëm komoditetet që ofron hoteli por edhe vendndodhjen perfekte dhe orientimin drejt qytetit.

Lion Park

“Lion Park” është një tjetër nga projektet tona. Kjo ndërtesë ofron 13 kate banimi, ndërsa kati 0 përbëhet nga njësitë e shërbimit. Gjithashtu ka edhe 3 kate parkim nëntokë. 

Elementi kryesor arkitekturor i këtij objekti, janë ballkonet me forma organike të shoqëruara me parapete betoni me të njejtat forma. Këto ballkone mbajnë bimësi të larmishme tipike të zonës dhe klimës. Edhe pse nga kati 0 deri në katin e 13 gjendet e njëjta gjuhë arkitekturore, ajo përsëritet duke iu përshtatur sipërfaqeve të secilit kat.

Tirana’s Rock

Një ndër ndërtimet më të veçanta është padyshim Tirana’s Rock. Kjo kullë është projektuar në formën e heroit Kombëtar të Shqipërisë, Gjergj Kastriotit. E gjatë 85m, “Tirana’s Rock”  i sjell një kuptim të ri elementëve ekzistues të arkitekturës shqiptare.

Forma e pazakontë dhe unike e kullës arrihet nga ballkonet të cilët krijojnë një zarf rreth gjithë ndërtesës. Detajet e fytyrës, të tilla si: hunda, veshët dhe mjekra, janë imituar përmes projeksioneve të lakuara që krijojnë një gjeometri delikate por edhe konfuze. Ballkonet gjithashtu lejojnë që hapësirat e brendshme të ndërtesës të kenë një planimetri më racionale, ndërkohë që ofrojnë hije dhe komoditet për hapësirat e jashtme.

Sot, pas kaq shumë vitesh eksperiencë, ne e gjejmë veten si një ndër kompanitë më aktive të ndërtimit në Shqipëri, në: investime, ndërtime dhe projektime, duke ofruar vazhdimisht cilësi, korrektësi dhe përmbushje optimale të planeve në të gjitha sipërmarrjet tona. Sa shumë gjëra të tjera të bukura na presin ende përpara!

FUQIA E BASHKËPUNIMIT NJË DOMOSDOSHMËRI PËR NDËRTIM TË QËNDRUESHËM

Me një eksperiencë të gjatë në fushën e ndërtimit, mund të themi se suksesi i Ales Construction bazohet tek një shtyllë mjaft e rëndësishme që çon drejt një projekti fitimtar: Bashkëpunimi!

Me një histori të pasur sipërmarrjesh të suksesshme mbi supe, i atribojmë arritjet tona angazhimit të qëndrueshëm e të palëkundur të shfaqur gjatë procesit të Bashkëpunimit.

Duke bërë bashkë inxhinierë, arkitektë, dhe kontraktorë që në fillim të fazës së projektimit, vazhdojmë të prodhojmë projekte që karakterizohen nga efikasiteti, efektiviteti i kostos dhe qëndrueshmëria.

Një ilustrim i përkushtimit bashkëpunues të Ales Construction është mishëruar në projektin Univers City, në partneritet me Balfin Group. Një projekt ambicioz që rezultoi në krijimin e  një kompleksi me hapësira banimi, hapësira tregtare, zyra, park, kënde sportive, kënde lojërash për fëmijë, vende pakimi etj.

Ky projekt qëndron si një testament i frymës kooperuese të krijuar nga të gjitha palët, të cilët ndërvepruan pa probleme për t’u përshtatur me kërkesat e ndryshme në interes të gjithsecilit.

Duke shfrytëzuar mprehtësinë e shfaqur gjatë planit strategjik të ndërtimit, u sigurua që të krijohej optimizimi i dizajnit, efikasitetit dhe efektivitetit të kostos në mënyrë që projekti të shkonte sipas planit dhe buxhetit të parashikuar.

Parimet tona të bashkëpunimit shtrihen në projekte të të gjitha shkallëve. Marrim rastin e ndërtimit të hapësirave të banimit në Kukës, për banorët e qytetit apo zonave përreth dhe për emigrantët e lindur në kërkim të një pasurie të paluajtshme. E gjitha kjo duke u angazhuar në mënyrë aktive me komunitetin lokal.

Ne besojmë se bashkëpunimi që në fazat e hershme, adresimi paraprak i problematikave të mundshme dhe dhënia e zgjidhjeve efikase janë çelësi i krijimit të projekteve të suksesshme.

Prandaj ejani të bashkëpunojmë për të kthyer vizionin në realitet.